Michael Jackson er oft sagður vera konungur poppsins og það er gild ástæða fyrir því. Ævi hans var viðburðarík og frægð hans var ein sú mesta sem poppstjarna hefur upplifað. Það var ekki einungis eitt atriði sem gerði hann að konungi poppsins heldur var það allt sem hann áorkaði á lífsleiðinni. Á sínum yngri árum var hann í The Jackson 5 en það var ein þekktasta popphljómsveit allra tíma. Hún samanstóð af fimm bræðrum og það einstaka við þá var að þeir voru allir svartir. En ástæðan fyrir því að það þótti sérstakt var að þeir voru á meðal fyrstu hljómsveitanna með einungis svörtum mönnum til þess að heilla hvíta áheyrendur. Lög þeirra lentu nokkrum sinnum í fyrsta sæti á vinsældalistum og seinna hlutu þeir Grammy verðlaun. Það að vera í hljómsveitinni hjálpaði Michael með feril sinn sem einsöngvari.